چیئرمین آل پاکستان علماء کونسل حافظ طاہر محمود اشرفی نے کہا ہے کہ بچوں پر تشدد اور زیادتی کے کیسز دہشتگردی کی عدالتوں میں چلائےجائیں۔

تفصیلات کے مطابق چیئرمین آل پاکستان علماء کونسل حافظ طاہر محمود اشرفی نے اپنے ایک بیان میں کہا کہ عثمان مرزا اور نور مقدم کیس معاشرے كو غور و فکر كى دعوت ديتے ہیں۔

چیئرمین آل پاکستان علماء کونسل نے کہا ہے کہ ملک میں بچوں اور بچیوں سے زیادتی کے کیسز میں اضافہ ہو رہا ہے، ايسے واقعات ملک و قوم کے لیے بدنامی کا سبب بنے ہیں۔

طاہر محمود اشرفی نے یہ بھی کہا کہ نور مقدم اور عثمان مرزا کا کیس معاشرے میں بڑھتی دہشت اور جنسی درندگی کو ظاہر کرتا ہے۔

اپنے بیان میں چیئرمین آل پاکستان علماء کونسل حافظ طاہر محمود اشرفی نے چیف جسٹس آف پاکستان اور وزیراعظم عمران خان سے اپیل کرتے ہوئے کہا کہ نور مقدم کیس سمیت خواتین، بچوں پر تشدد زیادتی کیسز دہشت گردی عدالتوں میں چلائےجائیں۔