وفاقی وزیر ریلوے اعظم خان سواتی نے کہا کہ پاک چین اقتصادی راہداری کے اقتصادی خوشحالی کے نئے دور کا آغاز ہوا ہے۔

تفصیلات کے مطابق وفاقی وزیر ریلوے اعظم خان سواتی نے چین کے سفیر نونگ رونگ سے ملاقات کی جس میں سی پیک ، ایم ایل ون منصوبوں سمیت  دو طرفہ تعلقات پر بات چیت ہوئی اور ایم ایل ون پراجیکٹ کو جلد از جلد شروع کر نے پر اتفاق کیا۔

اعظم سواتی نے کہا کہ چین کے درمیان دوطرفہ تعلقات پائیدار دوستی بھائی چارے کا مظہر ہے، اقتصادی راہداری کے منصوبے سے ملک میں روزگار اور سرمایہ کاری کے وسیع مواقع پیدا ہوں گے۔

دوسری جانب چین کے سفیر نونگ رونگ نے کہا کہ ایم ایل ون پاکستان کی تاریخ کا سب سے بڑا منصوبہ ہوگا، ایم ایل ون منصوبہ پاکستان ریلوے اور معیشت کے لئے انتہائی اہمیت کا حامل ہے۔