کراچی میں ائیرپورٹ پولیس کا شہریوں سے لوٹ مار کے بعد فرار ہونے والے ملزمان سے فائرنگ کا تبادلہ ہوا ہے۔

فائرنگ کے تبادلے کے نتیجے میں ملزمان اسلحہ ، چھینے گئے موبائل فونز اور مسروقہ موٹرسائیکل چھوڑ کر فرار ہونے میں کامیاب ہوگئے ہیں۔

ترجمان پولیس کا کہنا ہے کہ تحویل میں لی گئی موٹرسائیکل تھانہ شاہ فیصل کی حدود سے چوری کی گئی تھی جبکہ ملزمان نے اسلحے کے زور پر شہریوں کو لوٹ مار کا نشانہ بنایا تھا۔

واضح رہے کہ پولیس نے نامعلوم ملزمان کیخلاف مقدمہ درج کر لیا ہے اور فرار ملزمان کی گرفتاری کیلئے ٹیم بھی تشکیل  دے دی گئی ہے۔