پاکستان کے منجھے ہوئے معروف اداکار و میزبان واسع چوہدری6 سال بعد ٹی وی اسکرین پر واپسی  کا رخ کر رہے ہیں۔

تفصیلات کے مطابق واسع چوہدری کی ٹی وی اسکرین پر واپسی کی خبر ہمایوں سعید کی جانب سے اپنے انسٹاگرام اکاؤنٹ پر دی گئی ہے۔

اداکار و میزبان واسع چوہدری6 کے مداح اُن کی 6 سال بعد ٹی وی اسکرین پر واپسی کی خبر پر خوب خوش نظر آ رہے ہیں۔

اداکار ہمایوں سعید نے اپنی پوسٹ کے کیپشن میں بتایا ہے کہ واسع چوہدری خوبصورت اداکارہ کبریٰ خان کے مد مقابل عید کے دوسرے روز ٹیلی فلم ’ایبسلوٹلی ناٹ‘ میں نظر آئیں گے۔

ہمایوں سعید کی اس پوسٹ کو واسع چوہدری کی جانب سے بھی اپنے اکاؤنٹ پر شیئر کیا گیا ہے۔

ہمایوں سعید کی پوسٹ کے مطابق یہ ٹیلی فلم کے لکھنے والے بھی واسع چوہدری ہی ہیں جسے مصدق ملک کی ہدایت میں بنایا گیا ہے۔