پاکستان شوبز انڈسٹری کی مقبول ترین اور خوبرو اداکارہ عائزہ خان کی عید کی تصویریں سوشل میڈیا پر مقبول ہو گئی۔

فوٹو اینڈ ویڈیو شیئرنگ ایپ انسٹاگرام پر سب سے زیادہ یعنی 9 اعشاریہ 5 ملین فالوورز رکھنے والی اداکارہ عائزہ خان نے اپنے تصدیق شدہ انسٹاگرام اکاؤنٹ پر عید کی صبح کی اپنی دلکش تصویریں شیئر کی ہیں۔

عائزہ خان نے اپنی پوسٹ کے کیپشن میں ’عید کی صبح‘ لکھا۔

پوسٹ کی جانے والی تصویروں میں عائزہ خان کے ہمراہ اُن کی بیٹی حورین کو بھی دیکھا جاسکتا ہے۔

عائزہ خان اور اُن کی بیٹی حورین نے عیدالضحیٰ کی صبح سفید رنگ کے لباس کا انتخاب کیا جبکہ دونوں کے لباس کا ڈیزائن بھی ایک جیسا ہے۔

تصویروں میں عائزہ خان کے قربانی کے بکروں کو بھی دیکھا جاسکتا ہے جن کی تعداد تین سے چار ہے۔

اداکارہ نے اپنی یہ تصویریں صرف ایک گھنٹہ قبل ہی انسٹاگرام پر شیئر کی ہیں جنہیں اب تک ایک لاکھ سے زائد صارفین لائک کرچکے ہیں جبکہ تبصروں کا سلسلہ جاری ہے۔

واضح رہے کہ پاکستان سمیت دُنیا کے کئی ممالک میں عیدِ الاضحیٰ آج منائی جارہی ہے۔