انتظار کی گھڑیاں اب ہوئیں ختم ،  پاکستان انگلینڈ ون ڈے سیریز کا آغاز کل سے ہوگا۔

تفصیلات کے مطابق نئی منتخب انگلینڈ ٹیم کی تیسری کوویڈ 19 ٹیسٹنگ آج ہوٹل میں ہو گی جبکہ  پہلی کوویڈ ٹیسٹنگ گھروں اور دوسری کارڈف پہنچنے پر ہوئی تھی۔

 نئی منتخب ٹیم کے کھلاڑی براستہ روڈ پرائیویٹ کارز پر کارڈف پہنچیں گے۔

 ذرائع کا کہنا ہے کہ  3 رپورٹس کے منفی آنے پر ہی اسکواڈ کو پاکستان کے خلاف میچ کی اجازت ہو گی جبکہ  انگلینڈ کرکٹ اسکواڈ کے ارکان  پاکستان اسکواڈ کے ساتھ اب تک نہیں ملے ہیں۔

واضح رہے کہ  انگلینڈ اسکواڈ کے تمام ارکان ای سی بی کوویڈ ٹیسٹنگ پروگرام کا حصہ رہے ہیں۔