دنیا کی امیر ترین شخصیت نے بھی خلا کا چکر لگالیا۔

غیر ملکی خبر رساں ادارے کے مطابق آن لائن مارکیٹ کے بانی جیف بیزوس نے بھی خلا کا چکر لگالیا ہے۔

جیف بیزوز اپنی ہی کمپنی نیو شیپرڈ کے اسپیس ایئرکرافٹ میں خلا سے ہوکر زمین کی جانب آئے۔

جیف بیزوز اسپیس ایئرکرافٹ کے دیگر تین ممبران سمیت خلائی شٹل میں روانہ ہوئے، وہ تین منٹ بعد خلا میں پہنچے اور انھیں کشش ثقل کے ختم ہونے کا احساس ہونے لگا۔

جیف بیزوز کا یہ سفر مجموعی طور پر صرف 10 منٹ پر محیط تھا اور وہ واپس زمین پر ایک صحرا میں آگرے جہاں پہلے سے موجود عملہ ان کا انتظار کرتا رہا۔

خلا کا چکر لگانے کے بعد میڈیا سے گفتگو میں جیف بیزوس نے بتایا کہ یہ ان کا سب سے بہترین دن ہے، یہ بہت ہی شاندار ہے۔

انھوں نے کہا کہ یہ موجودہ نسل کا کام ہے کہ وہ خلا تک راستہ بنائے، تاکہ آئندہ آنے والی نسل تخلیقی صلاحیت کو جاری رکھ سکے۔

واضح رہے کہ خلا کا سفر کرنے والے جیف بیزوز دوسرے کھرب پتی جبکہ مجموعی طور پر 571ویں خلاباز بن گئے ہیں۔

ان سے قبل ایک اور کھرب پتی رچرڈ برینسن خلا کا سفر کر چکے ہیں۔