بالی ووڈ کنگ شاہ رخ خان اور اداکار سنجے دت پہلی بار ایک بڑے پراجیکٹ میں ایک ساتھ جلوہ گر ہوں گے۔

غیر ملکی خبر رساں ادارے کے مطابق شاہ رخ خان اور سنجے دت بہت جلد ایک ساتھ اسکرین پر نظر آئیں گے اور اُن کی اس فلم کا نام ’راکھی‘ ہے۔

دوسری جانب میڈیا کا یہ بھی کہنا ہے کہ شاہ رخ خان اور سنجے دت کی اس فلم کا نام عارضی طور پر رکھا گیا ہے۔

یوں تو شاہ رخ خان اور سنجے دت نے اداکاری کی دُنیا میں اپنی اپنی ایک خاص جگہ بنائی ہوئی ہے اور دُنیا بھر میں دونوں اداکاروں کے مداحوں کی تعداد بھی لاکھوں کروڑوں میں ہے۔

تاہم دونوں اداکاروں کے مداحوں کی یہ خواہش ہے کہ ایک بار شاہ رخ خان اور سنجے دت ایک ساتھ ایک فلم میں دِکھیں۔

 لیکن یہ دونوں اداکار ابھی تک بڑی اسکرین پر ایک ساتھ نظر نہیں آئے۔

اب دونوں اداکار دُنیا بھر میں موجود اپنے مداحوں کی خواہش پوری کرنے والے ہیں۔

تاہم اس حوالے سے ابھی تک شاہ رخ خان اور سنجے دت کی جانب سے کوئی تفصیل سامنے نہیں آئی ہے۔