سعودی حکومت نے حجاج کرام کے لئے حج اسمارٹ کارڈ متعارف کروا دیا ہے۔

تفصیلات کے مطابق سعودی سنٹرل حج کمیٹی کے اجلاس میں صحت کے منصوبوں سے متعلق تفصیلات جاری کر دی گئی ہیں۔

اجلاس میں بتایا گیا ہے کہ فراہم کردہ تمام خدمات اسمارٹ کارڈ سے حاصل ہو سکیں گی۔

واضح رہے کہ رہائش اور کیٹرنگ میں صحت اور حفاظت کے تمام پہلوؤں کو مدنظر رکھا گیا ہے۔

اجلاس میں بتایا گیا ہے کہ عرفات، منی سمیت متعدد مقامات اور موبائل ہسپتالوں میں خصوصی طبی سہولیات فراہم کرنے کے انتظامات کئے گئے ہیں اس کے علاوہ داخلی راستوں پر سہولیات فراہم کرنے کے نئے منصوبےتیار کئے گئے ہیں۔

اجلاس میں مزید بتایا گیا ہے کہ مطاف میں جانے کے لیے 25 راستے ہوں گے، حجاج کرام کی خدمات اور مسجد کے صحن جراثیم سے پاک کرنے کیلئے 5000 مرد و خواتین کارکنان کا انتظام کئے گئے ہیں اس کے علاوہ جامع نظام کے تحت مسجد میں داخل ہونے (داخل، افادہ، الوداع) کے متفقہ انتظامات کئے گئے ہیں۔