سعودی عرب کے ولی عہد شہزادہ محمد بن سلمان نے میرج گرانٹس کے لیے لگ بھگ 10 لاکھ ڈالرز مختص کر دیے ہیں۔

غیر ملکی میڈیا کے مطابق ولی عہد شہزادہ محمد بن سلمان نے مملکت کے 200 نوجوان لڑکوں اور لڑکیوں کی شادیوں کے لیے 37 لاکھ سعودی ریال (9 لاکھ 97 ہزار 80 ڈالرز) تقسیم کرنے کے احکامات جاری کردیے ہیں۔

یہ رقم ولی عہد کے یتیموں اور مختلف طرح کی معذوریوں کے شکار افراد کی مدد کے جذبے  کے تحت جاری کی جا رہی ہے، یہ افراد ’سند محمد بن سلمان پروگرام‘ کی ترجیحات میں شامل ہیں۔

واضح رہے کہ سنہ 2019 میں ولی عہد شہزادہ محمد بن سلمان نے 26 ہزار سے زائد  افراد کو اسی منصوبے کےتحت 52 کروڑ ڈالرز مہیا کیے تھے اور انہیں معاشی آگاہی سے متعلق تربیت بھی دی گئی تھی۔