پاکستان شوبز انڈسٹری کے سینئر اداکار منظر صہبائی نے اپنی اہلیہ، سینئر اداکارہ ثمینہ احمد کے لیے سوشل میڈیا پر محبت بھرا پیغام شیئر کر دیا۔

منظر صہبائی کی جانب سے ثمینہ احمد کی ایک نئی خوبصورت تصویر شیئر کی گئی ہے۔

[amazonad category=”Mobile”]

اس فنکار جوڑی کی جانب سے اکثر اوقات ہی ایک دوسرے کے ساتھ تصویریں اور محبت بھرے پیغامات سوشل میڈیا پر شیئر کیے جاتے رہتے ہیں جس سے اُن کے مداح بھی خوب متاثر ہوتے ہیں۔

اداکار کے جانب سے پوسٹ کی جانے والی تصویر میں ثمینہ احمد خوبصورت رنگوں کا مشرقی لباس پہنے ہوئے بڑی شان سے کرسی پر بیٹھی ایک جانب دیکھ رہی ہیں اور نہایت خوبصورت نظر آ رہی ہیں۔

ثمینہ احمد کی تصویر شیئر کرتے ہوئے منظر صہبائی کا کیپشن میں لکھنا ہے کہ ’میرے دل کی ملکہ۔‘

منظر صہبائی کی اس پوسٹ پر جہاں دیکھتے ہی دیکھتے ہزاروں لائیکس آ گئے ہیں وہیں اُن کے مداحوں سمیت شوبز انڈسٹری کی معروف شخصیات کی جانب سے بھی اس تصویر کی خوب تعریفیں کی جا رہی ہیں۔

واضح رہے کہ اداکار منظر صہبائی اور سینئر اداکارہ ثمینہ احمد نے 2020ء کے اپریل میں کورونا لاک ڈاؤن کے دوران سادگی سے شادی کی تھی۔