سارہ اسلم کا کہنا ہے کہ تمام ویکسینشن سنٹرز پر ویکسین وافر مقدار میں موجود ہے۔

تفصیلات کے مطابق پنجاب کی سیکریٹری پرائمری اینڈ سکینڈری ہیلتھ کیئرسارہ اسلم نے کہا ہے کہ صوبائی دارالحکومت لاہور میں مثبت شرح 2.7، فیصل آباد میں1.7، بہاولپور میں 0.3 اور ملتان میں 1.3 ریکارڈ کی گئی ہے، عوام سے گزارش ہے کہ عیدالاضحٰی پر کورونا کے خلاف خصوصی حفاظتی تدابیر اختیار کرکے خود کو محفوظ بنائیں۔

سارہ اسلم نے کہا ہے کہ مویشی منڈی میں بزرگوں اور بچوں کو ساتھ لے کر نہ جائیں، خصوصاًعیدالاضحٰی کے موقع پر بلاضرورت گھر سے باہر نکلنے اور پر ہجوم اجتعمات سے مکمل اجتناب کریں۔

ان کا مزید کہنا ہے کہ سماجی فاصلہ برقرار رکھیں اور ماسک کا استعمال لازمی کریں، 18 سال سے زائد عمر کے تمام شہری کورونا وائرس سے بچاؤ کی ویکسین لازمی اور فوری لگوائیں اور کسی بھی قسم کی رہنمائی یا شکایات کے لئے1033 پر رابطہ کریں۔