وزیر مملکت اطلاعات و نشریات فرخ حبیب نے کہا ہے کہ سگریٹ نوشی سے صحت کو خطرات لاحق ہیں۔

تفصیلات کے مطابق وزیر مملکت اطلاعات و نشریات فرخ حبیب سے پاکستان نیشنل پارٹی ایسوسی ایشن (پناہ) کے سیکرٹری جنرل ثناء اللہ گھمن کی قیادت میں وفد کی ملاقات ہوئی۔

ملاقات میں پاکستان نیشنل پارٹی ایسوسی ایشن (پناہ) کے سیکرٹری جنرل ثناء اللہ گھمن نے وزیر مملکت فرخ حبیب کو 2 روزہ انٹرنیشنل کانفرنس سے متعلق بھی آگاہ کیا۔

ثناء اللہ گھمن نے کہا کہ پناہ 37 سال سےسکولوں، کالجز یو یورسٹیوں، سرکاری شعبہ جات میں  دل کی بیماریوں سے بچائو کے لئے آگاہی فراہم کررہی ہے۔

پاکستان نیشنل پارٹی ایسوسی ایشن (پناہ) کے سیکرٹری جنرل ثناء اللہ گھمن نے مزید کہا کہ پناہ اچانک ہارٹ اٹیک پر فوری طبی امداد کی تربیت بھی فراہم کرتی ہے۔

اس موقع پر وزیر مملکت اطلاعات و نشریات فرخ حبیب نے کہا کہ دل کی بیماریوں سے بچنے کے لئے صحت مندانہ سرگرمیاں ضروری ہیں، بیماریوں سے بچاؤکے لئے پناہ کی آگاہی قابل تحسین ہیں۔