ترجمان دفتر خارجہ زاہد حفیظ چوہدری نے کہا ہے کہ پاکستان سمجھتا ہے کہ افغان تنازع کا کوئی فوجی حل نہیں۔

تفصیلات کے مطابق اپنے ایک بیان میں ترجمان دفتر خارجہ زاہد حفیظ چوہدری نے دوحہ میں بین الافغان مذاکرات کے اختتام پر جاری ہونے والے مشترکہ بیان کا خیرمقدم کیا ہے۔

ترجمان دفتر خارجہ کا کہنا تھا کہ دوحہ میں بین الافغان مذاکرات کے اختتام پر مشترکہ بیان کا خیرمقدم کرتے ہیں۔

زاہد حفیظ چوہدری کا یہ بھی کہنا تھا کہ دو روزہ مذاکرات کے اختتام پر مشترکہ بیان مثبت پیشرفت ہے، افغان قیادت میں افغان عمل کے ذریعے ہی سیاسی حل واحد راستہ ہے۔

ترجمان دفتر خارجہ زاہد حفیظ چوہدری کا مزید کہنا تھا کہ امید ہے افغان فریق بامقصد انداز میں رابطے جاری رکھیں گے۔ یہ رابطے تشدد میں کمی اور صورتحال خراب کرنے والوں کو کمزور کرنے میں مدد دیں گے۔