پشاورمیں انٹرنیشنل باکسنگ میلہ آج سجے گا۔

تفصیلات کے مطابق مقابلوں میں افغانستان ، ایران اور پاکستان کے ٹاپ 20 کھلاڑی شرکت کرینگے۔

واضح رہے کہ صوبائی حکومت کے تعاون سے انٹر نیشنل پروفیشنل باکسنگ مقابلوں کا میلہ آج قیوم سپورٹس کمپلیکس پشاور میں سجے گا، ایونٹ کے لئے تمام انتظامات مکمل کرلئے گئے ہیں۔

ڈائریکٹر جنرل اسپورٹس اسفندیار خٹک کا اس ضمن میں کہنا ہے کہ آفیسر پشاور سپورٹس کمپلیکس میں کھیلے جانیوالے ان مقابلوں میں پاکستان کے مختلف شہروں سمیت افغانستان اور ایران کیساتھ دوسری ممالک سے باکسرز حصہ لینگے۔

انھوں نے کہا ہے کہ میگاایونٹ کے کامیاب انعقاد کیلئے تیاریاں مکمل کرلی گئی ہیں۔

دوسری جانب باکسرعثمان وزیرکا کہنا ہے کہ پاکستان اور خصوصاخیبر پختونخوا میں باکسنگ کے حوالے سے کافی ٹیلنٹ موجود ہے، اس ٹیلنٹ کو سامنے لانے کیلئے مواقع مہیا کرنا چاہئے۔

 باکسرعثمان وزیرکا  نے مزید کہا ہے کہ پاکستان کے مختلف شہروں میں انٹر نیشنل پروفیشنل باکسنگ کا3 انعقاد سنگ میل ثابت ہوگا، انٹر نیشنل باکسنگ مقابلوں کا پہلے روز سے کھلاڑیوں کا انتظار کیا جارہا ہے۔