اداکارہ مریم نفیس کو سوشل میڈیا پر ایک صارف نے تنقید کا نشانہ بنایا جس پر اداکارہ نے صارف کو کرارا جواب دے دیا۔

اداکارہ  نے انسٹاگرام پر عیدِ قرباں کے حوالے سے والدین کو مخاطب کرتے ہوئے بچوں کی نصیحت کے لئے ایک پوسٹ شیئرکی۔

تصویری پوسٹ میں بتایا گیا کہ بچوں کو جانوروں سے حسنِ سلوک سے پیش آنا چاہئیے۔

اداکارہ نے کیپشن میں وضاحت دی کہ ہم سب جانتے ہیں بچے اپنی قربانی کے جانور کے ساتھ کتنا اچھا وقت گزارتے ہیں لیکن یہ بھی ہماری ذمہ داری ہے کہ انہیں جانوروں کے ساتھ پیار سے پیش آنے کا درس دیں۔

اداکارہ کی اس پوسٹ سے جہاں بہت سے صارفین متفق دِکھائی دیے وہیں ماہم نامی صارف نے لکھا کہ دادی اماں ہر وقت نصیحت کرتی رہتی ہیں۔

مریم نفیس نے صارف کو جواب دیتے ہوئے لکھا انسٹاگرام پر اوپر کی جانب ان فولو کا بٹن ہے۔

اداکارہ نے مزید کہا کہ آپ لوگ کسی طرح خوش نا ہونا۔