قومی اسمبلی کی قائمہ کمیٹی برائے تعلیم کا نجیب الدین اویسی کی سربراہی میں اجلاس ہوا ہے جس میں ایچ ای سی ترمیمی آرڈیننس 2021  کثرت رائے سے منظور ہوگیا ہے۔

حکام وزارت تعلیم کا کہنا ہے کہ چیئرمین ایچ ای سی کی مدت ملازمت دو سال کر دی گئی ہے جبکہ ترمیمی بل میں پرائیویٹ ممبران کی تعداد 2 سے بڑھا کر 5 کر دی گئی ہے ، کارکردگی کی بنیاد پر تعیناتی ہونی چاہیے، اچھا کام کریں تو مدت بڑھادینگے۔

وہیں دوسری جانب ممبر کمیٹی حامد حبیب کہتے ہیں کہ چیئرمین ایچ ای سی کی مدت ملازمت کو ختم کر کے شب خون مارا گیا ہے ، میں اس بل کی مخالفت کرتا ہوں۔

واضح رہے کہ انہوں نے یہ بھی کہا کہ کارکردگی جانچنے کا طریقہ کار ہونا چاہیے، ہم اس آرڈیننس کو مسترد کرتے ہیں۔