ملک کے بیشتر شہروں میں آج موسم گرم اور خشک رہے گا۔

محکمہ موسمیات کے مطابق آج اسلام آباد ، وسطی پنجاب ، خیبرپختونخواہ  اور سندھ کے بیشتر بالائی اور وسطی اضلاع میں موسم شدید گرم   رہے گا جبکہ میدانی علاقوں میں بھی موسم شدید گرم اور خشک رہے گا۔

وہیں دوسری جانب بالائی خیبرپختونخوا، کشمیر، گلگت بلتستان ، ڈی جی خان ، دیر، چترال ، کوہستان ،  سوات اور مانسہرہ میں تیز ہواؤں اورگرج چمک کے ساتھ بارشوں کا امکان بتایا جارہا ہے۔

 واضح رہے کہ آج ریکارڈ کیے گئے زیادہ سے زیادہ درجہ حرارت میں  دادو44 ، نوکنڈی ، سبی  اور شہید بینظیر آباد میں 43 ڈگری سینٹی گریڈریکارڈ کیا گیا ہے۔