معروف بھارتی اداکار پراچین چوہان کو خاتون کو جنسی ہراساں کرنے کے الزام میں گرفتار کرلیا گیا ہے

غیر ملکی خبر رساں ادارے کے مطابق اداکار نے خاتون کے خلاف مجرمانہ طاقت کا استعمال کیا ہے جو انڈین پینل کوڈ کی دفعہ 354 کی خلاف ورزی ہے۔
[amazonad category=”Mobile”]

پولیس کے مطابق انہوں نے خاتون کی جانب سے شکایت درج کرانے کے بعد پراچین چوہان کو ان کے گھر سے گرفتار کیا گیا۔

اس حوالے سے پولیس افسران کا کہنا ہے کہ وہ اداکار کو عدالت میں پیش کریں گے۔

تاہم پولیس کا کہنا ہے کیس کی تحقیقات مکمل ہونے سے قبل مزید تفصیلات فراہم نہیں کی جا سکتیں۔

واضح رہے کہ پراچین چوہان نے ایکتا کپور کے ٹی وی سیریل ’کسوٹی زندگی کی‘ میں سبروٹو باسو کا کردار کیا تھا جو ان کی مقبولیت کا باعث بنا۔