وزیراعظم کے نمائندہ خصوصی حافظ محمد طاہر محمود اشرفی نے کہا کہ بیرون ممالک میں موجود پاکستانیوں کے مسائل کا حل اولین ترجیح ہے۔

تفصیلات کے مطابق وزیراعظم کے نمائندہ خصوصی حافظ محمد طاہر محمود اشرفی نے اپنے بیان میں کہا کہ قطر، بحرین اور متحدہ عرب امارات میں موجود پاکستانیوں کی واپسی کیلئے وزیر اعظم نے فوری اقدامات اٹھانے کا حکم دیا ہے۔

انہوں نے یہ بھی کہا کہ جناب وزیر اعظم پاکستان عمران خان کی ہدایات پر متحدہ عرب امارات ، بحرین اور دوحہ سے پی آئی اے کی پروازوں میں اضافہ کر دیا گیا ہے۔

طاہر محمود اشرفی نے یہ بھی کہا کہ پی آئی اے 3394 متحدہ عرب امارات، 2016 دوحہ سے اور 722 بحرین سے مسافروں کو لائے گی، کورونا کی وبا کی وجہ سے برادر عرب اسلامی ممالک نے سفری نظام میں تبدیلی کی ہے۔

انہوں نے مزید یہ بھی کہا کہ پاکستانیوں کے مسائل کے حل کیلئے ہر سطح پر کوشاں ہیں، سعودی عرب جانے والے پاکستانیوں کے مسائل بھی حل کیے جارہے ہیں۔