بھارت اور فرانس کے درمیان رافیل طیاروں کی متنازع ڈیل کی تحقیقات فرانسیسی جج  کریں گے۔

غیر ملکی خبر رساں ادارے کی رپورٹ میں بتایا گیا ہے کہ جج کی تعیناتی فرانس کے نیشنل فنانشل پروسیکیوٹر کی طرف سے کی گئی ہے۔

غیر ملکی میڈیا کی تفصیلات کے مطابق ڈیل کے تحت بھارت نے 9 ارب 30 کروڑ ڈالر کے عوض فرانس سے 36 رافیل طیارے خریدے تھے، فرانسیسی میڈیا اور ایک این جی او نے 2016 میں ہونے والی  ڈیل کے لیے فرانسیسی کمپنی پر بھارتی حکام کو رشوت دینے بھی کا الزام لگایا تھا۔

مالی جرائم میں مہارت رکھنے والی فرانس کی این جی او شیرپا 2018 سے تحقیقات کا مطالبہ کر رہی ہیں جبکہ معاہدے کے بعد کانگریس نے بی جے پی کی حکومت پر الزام لگایا تھا کہ اس نے زیادہ قیمت پر طیاروں کا سودا کیا ہے۔

واضح رہے کہ فرانس میں تحقیقات کے لیے جج  کی رپورٹ کے بعد کانگریس نے مطالبہ کیا ہے کہ اس سودے کی پارلیمنٹ کی مشترکہ کمیٹی سے تحقیقات کرائی جائے۔