عثمان بزدارکا کہنا ہے کہ کورونا کی چوتھی لہر سے بچاؤ کے لئے ایس او پیز پر من وعن عملدر آمد کرنا ناگزیر ہے۔

تفصیلات کے مطابق وزیراعلیٰ پنجاب سردار عثمان بزدار نے اپنے جاری کردہ بیان میں کہا ہے کہ کورونا سے بچاؤ کی احتیاط ہمیں چوتھی لہر سے محفوظ رکھ سکتی ہے، بے احتیاطی اورایس او پیز پر عملدرآمد نہ کرنے سے کیسز میں اضافے کا خدشہ ہے۔

عثمان بزدارنے کہا ہے کہ اگر کورونا کی مثبت شرح میں اضافہ ہوا تو ایک بار پھر سمارٹ لاک ڈاؤن کرنا پڑے گا، پابندیوں سے بچنے کے لئے شہریوں کو احتیاط کا دامن ہاتھ سے نہیں چھوڑنا چاہیے۔

ان کا مزید کہنا ہے کہ شہریوں سے اپیل ہے کہ وہ ماسک کا استعمال کریں اورسماجی فاصلے برقرار رکھیں۔