بھارتی شہر چنئی سے تعلق رکھنے والا رکشہ ڈرائیور انا درائی اپنے رکشے کو ایک جدید رکشے میں تبدیل کرتے ہوئے مسافروں کو فریج، آئی پیڈ  اور ٹیلی وژن  سہولیات فراہم کرتا ہے۔

انا درائی رکشہ ڈرائیور ہونے کے ساتھ ساتھ ایک موٹیویشنل اسپیکر ، کارپوریٹ  ٹرینر اور 7 مرتبہ کے ٹیڈ ایکس اسپیکر بھی ہیں۔

اس منفرد رکشہ کی دھوم سوشل میڈیا پر مچی ہوئی ہے۔

انا درائی کا کہنا ہے کہ وہ اپنے خاندان کی مالی حالات خراب ہونے کی وجہ سے تعلیم جاری نہ رکھ سکے۔

رکشہ ڈرائیور نے کہا کہ وہ ایک بزنس مین بننا چاہتے تھے مگر ان کے گھر والے انہیں پڑھا نہ سکے اور وہ رکشہ ڈرائیور بن گئے ،مگر وہ پھر بھی کچھ اچھا کرنا چاہتے تھے اس لئے انہوں نے اپنے رکشے میں یہ تمام سہولیات فراہم کی ہیں۔