آزاد کشمیر میں سیاحوں کی آمد پر پابندی عائد کردی گئی ہے۔

تفصیلات کے مطابق کورونا وائرس کی چوتھی لہر کے پیش نظر آزاد کشمیر میں سیاحوں کی آمد پر 10 روز کے لیے پابندی عائد کردی گئی ہے۔

نوٹیفکیشن میں کہا گیا ہے کہ پابندی کا اطلاق پورے آزاد کشمیر میں ہوگا لیکن وادی نیلم میں خاص طور پر اطلاق ہوگا جہاں ملک بھر سے بڑی تعداد میں سیاح حسین و دل موہ لینے والے نظارے دیکھنے آتے ہیں۔

نوٹیفکیشن میں مزید کہا گیا ہےکہ پابندی کی خلاف ورزی کی صورت میں قانونی کارروائی کی جائے گی۔

واضح رہے کہ ملک میں کورونا کے مثبت کیسز کی شرح میں مسلسل اضافہ ہورہا ہے جب کہ گزشتہ 24 گھنٹوں کے دوران شرح 4.95 فیصد رہی اور 30 افراد انتقال کرگئے۔