این سی او سی کی ہدایات پر مویشی منڈیوں اور عید سے متعلقہ ایس او پیز کے نفاذ کیلئے احکامات جاری کر دیئے گئے۔

تفصیلات کے مطابق نیشنل کمانڈ اینڈ کنٹرول سینٹر (این سی او سی) نے ہائی رسک سیکٹرز میں کورونا ایس او پیز پر عملدرآمد کے لیے خصوصی اقدامات کا آغاز کردیا ہے۔ تفریحی مقامات، سینما گھر، شادی ہال،جمنازیم آنے والے افراد کیلئےویکسی نیشن لازمی قرار دی گئی ہے۔

[amazonad category=”Mobile”]

ترجمان این سی او سی نے کہا  کہ تمام صوبوں کو ایس او پیز پر سختی سے عملدرآمد کے لیے ہدایات جاری کردی گئی ہیں جبکہ ماسک کا استعمال، سماجی فاصلے اورحفاظتی اقدامات پر عملدرآمد کے لیے ٹیمیں تشکیل دی گئی ہیں۔

این سی او اسی کے مطابق گلگت بلتستان، آزاد کشمیر اور کے پی میں سیاحوں کی ہوٹل بکنگ کے لیے ویکسینیشن لازمی قرار دے دی گئی ہے، سیاحتی مقامات کے داخلی راستوں اور ہوٹلوں میں ویکسین سرٹیفیکیٹ کی تصدیق کے لیے طریقہ کار کا اجراء کیا گیا ہے۔

این سی او سی نے مساجد اور بازاروں کے لیے پہلے سے جاری ایس او پیز پر عملدرآمد یقینی بنانے کی ہدایت کی ہے جبکہ مویشی منڈیوں اور عید سے متعلقہ ایس او پیز کے نفاذ  کے لیے بھی احکامات جاری کیے ہیں۔
ریسٹورنٹس، جمنازیم، سینما گھروں، شادی ہالز انتظامیہ اور آنے والے افراد کے لیے بھی ویکسینیشن لازمی قرار دے دی گئی ہے جبکہ بس اڈوں، ریلوے اسٹیشنز، اندرون اور بیرون شہر ٹرانسپورٹ پر ایس او پیز عملدرآمد یقینی بنانے کی ہدایت کی گئی ہے۔

این سی او سی کے مطابق ضلعی انتظامیہ کے لیے تفصیلی چیک لسٹس جاری کر دی گئیں جبکہ خلاف ورزی کرنے والے افراد اور ادارے کے خلاف سخت تادیبی کارروائی کی جائے گی۔