پاکستان اور قطر کے تعلقات میں مزید بہتری کے لیے حکام کی جانب سے مثبت اقدامات کیے گئے ہیں۔

قطری حکومت کی جانب سے پاکستانیوں کے لیے آن ارائیول ویزہ کی پالیسی متعارف کرا دی گئی ہے، جس کے باقائدہ تحریری احکامات جاری کردیے گئے ہیں۔

جاری کردہ حکم نامے کے مطابق 6 ماہ تک کا ویلڈ پاسپورٹ اور ریٹرن ٹکٹ کی شرط رکھی گئی ہے جبکہ آن ارائیول ٹورسٹ ویزہ کے لیے 100 قطری ریال فیس ادا کرنی ہوگی۔

اسکے علاوہ کورونا ویکسینیشن اور بچوں کے لیے پولیو ویکسینیشن کی شرط ہوگی جبکہ قطر جانے کے لیے کورونا منفی رپورٹ بھی ساتھ لانا ہوگی۔

واضح رہے کہ حکومت کی جانب سے آن لائن فارم بھی متعارف کرادیا گیا ہے ، جہاں لوگ اپنی تفصیلات باآسانی فراہم کرسکتے ہیں۔