کوئٹہ میں ائیرپورٹ روڈ پر عسکری پمپ کے قریب دھماکہ ہوا جس کے نتیجے میں کم از کم 6 افراد زخمی ہوگئے۔

تفصیلات کے مطابق بلوچستان کے دارالحکومت کوئٹہ میں ائیرپورٹ روڈ عسکری پمپ کے قریب دھماکہ ہوا ، دھماکے کی آواز پورے شہر میں سنی گئی۔

[amazonad category=”Electronics”]

ابتدائی تحقیقات کے مطابق دھماکے میں 3 سے 4 کلو دھماکا خیز مواد استعمال کیا گیا جو موٹرسائیکل میں نصب کیا گیا تھا۔

پولیس کے مطابق دھماکا عسکری پارک ٹرک کے علاقے میں سیکورٹی فورسز کی گاڑی کے قریب ‏ہوا، دھماکے کے بعد گاڑی میں آگ بھڑک اٹھی اور متعدد افراد زخمی ہوئے جنہیں سول اسپتال منتقل کیا جارہا ہے۔

پولیس کا کہنا ہے کہ دھماکے کے بعد سول ‏اسپتال سمیت قریبی اسپتالوں میں ایمرجنسی نافذ کر دی گئی ہے جبکہ پولیس اور سیکورٹی فورسز نے بھی علاقے کو گھیرے میں لے کر تحقیقات شروع کردی ہیں تاہم فوری طور پر دھماکے کی نوعیت معلوم نہیں ہوسکی۔