سول ایوی ایشن اتھارٹی نے اندرون ملک پروازوں میں مسافروں کو پیکڈ کھانا دینے کی اجازت دے دی۔

سی اے اے نے ایئرپورٹس، پروازوں سے متعلق نئی ایس او پی کا حکم نامہ جاری کردیا، نئے احکامات 31 اکتوبر 2021 تک قابل عمل ہونگے۔

سی اے اے حکام کے مطابق ایئرلاینز ایئرپورٹ پر دیے گیے سلاٹ سے متعلق سختی سے عمل درآمد کیں، مسافروں کے لیے سینیٹائزر کا بندوست ایئرلاینز کے ذمہ ہوگا۔

سی اے اے حکام کا کہنا ہے کہ پارکنگ ایریا سے ایک کے بعد ایک مسافروں کو چھوڑا جائے، اے ایس ایف عمل درآمد کرائے۔

سی اے اے حکام کا یہ بھی کہنا تھا کہ اے ایس ایف ٹرمینل بلڈنگ میں مسافروں کے داخل نہ ہونے دے، ایئرپورٹ منیجرز ہوائی اڈوں پر سماجی فاصلے کی عمل درآمد کرانے کے پابند ہونگے۔

سی اے اے حکام کا مزید کہنا تھا کہ فضائی میزبان پرواز کے دوران مسافروں کی ماسک کے ساتھ بیٹھے ہونے کی تصاویر لینگے اور تصاویر سی اے اے کے متعلق سیکشن کے حوالے کی جائیں گی۔

یاد رہے ڈومیسٹک پروازوں میں ایک سال سے کھانا دینے پر پابندی تھی۔