پاکستان اور ہندوستان کے لذیذ اور چٹ پٹے کھانے دنیا بھر میں مشہور ہیں لیکن کھٹے میٹھے گول گپوں کی بات ہی الگ ہے ،بھارتی خاتون گول گپوں کی اتنی دلدادہ ہیں کہ انہیں اپنی شادی پر سونا چاندی کے بجائے گول گپوں کے زیور اور تاج پہنائے گئے۔

غیر ملکی خبر رساں ادارے کے مطابق سر پر گول گپوں کا تاج سجائے، ہاتھ اور گلے میں گول گپے کے زیور پہنے ہوئے اس دلہن کی ویڈیو سوشل میڈیا پر وائرل گئی ہے جسے دیکھ کر صارفین خوب محظوظ ہورہے ہیں۔

اس ویڈیو میں دیکھا جاسکتا ہے کہ دلہن کو ایک خاتون گول گپوں کا تاج سر پر پہنا رہی ہے۔

[amazonad category=”Electronics”]

دلہن کی اس ویڈیو پر انٹرنیٹ صارفین کی جانب سے دلچسپ تبصرے سامنے آرہے ہیں ،ایک صارف نے لکھا کہ شادیوں میں گول گپوں کا یہ ٹرینڈ خاصہ مقبول ہورہا ہے۔

تاحال یہ واضح نہیں ہوسکا کہ خاتون کو گول گپوں کا تاج اور زیور کس رسم کے تحت پہنائے گئے ہیں۔

واضح رہے کہ اس سے قبل ایک اور ویڈیو وائرل ہوئی تھی جس میں دلہن کو عین شادی کے موقع پر اپنے مہمانوں کی تفریح کے لئے خطرناک ہتھیاروں سے کرتب دکھاتے دیکھا گیا تھا۔