سابق صدر مملکت ممنون حسین کی نمازِ جنازہ ادا کردی گئی۔

تفصیلات کے مطابق سابق صدر مملکت ممنون حسین کی نمازِ جنازہ کراچی کی سلطان مسجد ڈیفنس میں ادا کردی گئی۔

نمازجنازہ میں ن لیگ، جے یو آئی ف، پیپلز پارٹی اور تحریک انصاف کے رہنماؤں ، پاکستان مسلم لیگ ن کے رہنما شاہد خاقان عباسی، احسن اقبال، محمد زبیر اور ديگر نے بھی شرکت کی۔

[amazonad category=”Mobile”]

واضح رہے کہ گزشتہ روزسابق صدر مملکت ممنون حسین علالت کے باعث کراچی کے نجی اسپتال میں انتقال کرگئے تھے۔

سابق صدر کے بیٹے ارسلان ممنون نے انتقال کی تصدیق کرتے ہوئے کہا تھا کہ والد  کینسر کے عارضے میں مبتلا تھے اور گزشتہ دو ہفتے سے نجی اسپتال میں زیر علاج تھے۔

ممنون حسین 2013 سے 2018 تک پاکستان کے صدر رہے اور ان کا شمار مسلم لیگ ن کے سینیئر رہنماؤں میں ہوتا تھا۔

ممنون حسین مُلک کے 12 ویں صدر رہے اور اس کے علاوہ وہ گورنر سندھ بھی رہے تھے۔