یو ایم ٹی صدر یونیورسٹی آف مینجمنٹ اینڈ ٹیکنالوجی ابراہیم حسن مراد نے کہا کہ تعلیم کے ذریعے افغانستان کی تعمیر و ترقی وقت کی اہم ضروت ہے۔

تفصیلات کے مطابق یو ایم ٹی صدر یونیورسٹی آف مینجمنٹ اینڈ ٹیکنالوجی ابراہیم حسن مراد کا افغانستان میں پاکستان کے تعینات سفیر منصور احمد خان سے ٹیلی فونک رابطہ ہوا جس میں ابراہیم حسن نے کہا کہ افغان نوجوانوں ، لڑکوں اور لڑکیوں کے لیے انڈر گریجویٹ اور پوسٹ گریجویٹ کی تعلیمی حصول کے لیے 100 وظائف کا اعلان کیا گیا ہے۔

یو ایم ٹی صدر کا کہنا تھا کہ تعلیمی اداروں سمیت دیگر اداروں کو بھی افغانستان کی ترقی میں اپنا کردار ادا کرنا چاہیے۔

افغانستان میں پاکستان کے تعینات سفیر منصور احمد خان نے کہا کہ پاکستان کا تعلیم کے شعبے میں افغانستان کے ساتھ تعاون ایک خوش آئند بات ہےاور میں صدر یو ایم ٹی کے اس اقدام کا دل کی  گہرائیوں سے خیر مقدم کرتا ہوں۔