جولائی 2021 میں پاکستانی برآمدات میں 16.94 فیصد اضافہ ہوا۔

تفصیلات کے مطابق مالی سال کے پہلے ماہ میں 2 ارب 34 کروڑ ڈالر کی مصنوعات برآمد ہوئی جبکہ ٹیکسٹائل، انجینئرنگ مصنوعات، آٹو پارٹس  کی برآمد میں بھی اضافہ ہوا ہے۔

رپورٹ کا کہنا ہے کہ سوتی دھاگہ، کپڑے، ریڈی میڈ گارمنٹس، نیٹ ویئر، بیڈ ویئر سمیت چاول، پھل، سبزیوں، چمڑے کی مصنوعات، کینوس فٹ ویئر کی بھی برآمد بڑھ گئی ہے۔

رپورٹ کا کہنا تھا کہ ٹرانسپورٹ سامان، فرنیچر، کیمکلز خام تیل کی ایکسپورٹ میں اضافہ ہوا ۔

رپورٹ کے مطابق مچھلی، تمباکو، مصالحہ جات، گڑ، ٹینٹ، فٹ بال، گلوز کی برآمد میں کمی ریکارڈ ہوِئی جبکہ سیمنٹ، کٹلری، چمڑے کے جوتوں، الیکٹرک پنکھوں، قیمتی پتھروں کی برآمد میں بھی کمی ریکارڈ کی گئ ہے۔