لاڑکانہ میں سندھ حکومت کے اسکولز کی بندش کے اعلان کی خلاف ورزی کی جا رہی ہے۔

تفصیلات کے مطابق لاڑکانہ کے بیشتر علاقوں میں نجی اسکول کھل گئے اور مختلف نجی اسکولز میں تدریسی عمل بھی جاری ہے۔

ذرائع کا کہنا تھا کہ کچھ اسکولز کے طلبہ و طالبات بغیر یونیفارم اور کچھ  یونیفارم میں پہنچ کر تعلیم حاصل کرنے میں مصروفِ عمل ہیں۔

ذرائع کا کہنا تھا کہ سیاسی سماجی اور سول سوسائٹی تنظمیں گزشتہ روز بھی سندھ حکومت کی پالیسی کے خلاف احتجاج کر چکے ہیں اور والدین نجی اسکول مالکان کی پالیسی اور بھاری فیسوں کی ادائیگی سے پریشان ہیں۔

ذرائع کامزید کہنا تھا کہ ہولیو برادری کی جانب سے اسکولوں کی بندش کے خلاف احتجاج ہوا جس میں چھوٹے بچوں نے بھی شرکت کی۔

احتجاج میں شامل لوگوں کا کہنا تھا کہ سندھ حکومت بچوں سے تعلیم کا حق نہ چھینں اور تمام اسکول کھول کر تدریسی عمل شروع کیا جائے۔