وزیر اعظم آزاد جموں و کشمیر سردار عبدالقیوم نیازی نے کہا ہے کہ آزاد کشمیر میں انصاف کی فراہمی کو یقینی بنائیں گے۔

تفصیلات کے مطابق وزیر اعظم آزاد جموں کشمیر سردار عبدالقیوم نیازی نےسینئر وزیر حکومت سردار تنویر  الیاس  سے ملاقات کی جس میں باہمی دلچسپی کے امور  پر تبادلہ خیال کیا گیا۔

ملاقات میں کشمیر کونسل کے انتخابات اور کابینہ کے امور پر تفصیلی گفتگو بھی کی گئی جبکہ وزیر اعظم  عمران خان کے وژن کو کامیاب بنانے کیلئے مل کر جدوجہد جاری رکھنے پر اتفاق کیا گیا۔

 اس موقع پر وزیر اعظم آزاد جموں و کشمیرسردار عبدالقیوم نیازی کا کہنا تھا کہ آزاد کشمیر میں میرٹ اور انصاف کی فراہمی کو یقینی بنائیں گے جبکہ ریاست میں گڈگورننس، میرٹ کی بالا دستی کو بھی یقینی بنائیں گے۔

ملاقات میں اسپیکر قانون ساز اسمبلی چوہدری انوار الحق،  رکن قانون ساز اسمبلی سردار میر اکبر بھی موجود تھے۔