بہاولپور میں ایک ہی وقت کے دوران الگ الگ دو مقامات پر آگ لگ گئی ہے۔

تفصیلات کے مطابق پہلا واقعہ مین بازار کاسمیٹکس کی دوکان میں پیش آیا اور دوسرے مقام پر لگنے والی آگ نے آٹو سپیئر پارٹس کی دوکان کو مکمل طور پر اپنی لپیٹ میں لے لیا۔

ذرائع کا کہنا تھا کہ اطلاع ملنے پر ریسکیو کی الگ الگ فائیر بریگیڈ ٹیمیں آگ لگنے کے مقام پر پہنچ گئیں اور دونوں مقامات پر ریسکیو ٹیم نے آگ بجھا دی۔

ذرائع کامزید کہنا تھا کہ دونوں مقامات پر آگ شارٹ سرکٹ کے باعث لگی اور دونوں مقامات پر لگنے والی آگ سے لاکھوں روپے مالیت کا سامان جل کر راکھ ہوگیا۔

ریسکیو ذرائع کا کہنا ہے کہ آگ لگنے کے واقعات میں تاحال کسی جانی نقصان کی اطلاع موصول نہیں ہوئی۔