ایشیائی ترقیاتی بینک نے پاکستان کو قرض  فراہم کرنے کی منظوری دے دی ہے۔

تفصیلات کے مطابق ایشیائی ترقیاتی بینک نے پاکستان کو 50 کروڑ ڈالر قرض  فراہم کرنے کی منظوری دے دی ہے۔

ایشیائی ترقیاتی بینک نے جاری کردہ اعلامیہ میں بتایا ہے کہ یہ قرض رقم کورونا ویکسین کی خریداری کیلئے استعمال کی جائے گی، پچاس کروڑ ڈالر کی رقم سے 3 کروڑ 98 لاکھ کرونا ویکسین کی خوراک خریدی جائیں گی، رقم سے سیفٹی باکس، سرنجز کی خریداری بھی کی جائے گی

ایشیائی ترقیاتی بینک نے اعلامیہ میں بتایا ہے کہ ویکسینیشن سے کرونا وبا کے پھیلاؤ میں تیزی سے کمی ہو گی۔