وفاقی دارالحکومت اسلام آباد میں تھانہ سہالہ پولیس کی جانب سے بڑی کارروائی کی گئی ہے۔

تفصیلات کے مطابق کارروائی کے نتیجے میں جڑواں شہروں سے موٹر سائیکل  چوری کی وارداتوں میں ملوث گینگ کا اہم ملزم گرفتار کرلیا گیا ہے جبکہ ملزم کی شناخت ذیشان سرور ولد غلام سرورکے نام سے ہوئی ہے جو کہ  سکنہ رائیکا میرس چک بیلی ضلع راولپنڈی کا رہائشی ہے۔

ترجمان پولیس کا کہنا ہے کہ ملزم کی نشاندہی پر 22 لاکھ روپے سے زائد مالیت کی 17موٹر سائیکلز بھی برآمد کرلی گئی ہیں۔

پولیس کے مطابق گرفتار ملزم جڑواں شہروں کے مختلف علاقوں میں گشت کرتا اور  پارکنگ میں کھڑی موٹر سائیکلوں کو موقع ملتے ہی ماسٹر چابی کے ذریعے چوری کرلیتا تھا  اور پھر موٹر سائیکلوں کو   کم قیمت پر فروخت کر دیتا تھا۔

واضح رہے کہ ملزم سابقہ ریکارڈ یافتہ ہے اور ملزم نے اسلام آباد تھانہ سہالہ، مار گلہ، راولپنڈی تھا نہ وارث خا ن، نیو ٹاؤن، ائیر پور ٹ، سول لائن اور چونتر ہ کے علا قوں میں وارداتیں کرنے کا انکشاف بھی  کیا ہے۔