پاکستان کرکٹ بورڈ(پی سی بی)  کے فیصلوں میں اہم تبدیلیاں سامنے آرہی ہیں۔

تفصیلات کے مطابق ڈائریکٹر نیشنل ہائی پرفارمنس سینٹر ندیم خان نے ویمن فیلڈنگ کوچ اقبال احمد عامر کو فارغ کردیا ہے جبکہ چئیرمین پی سی بی رمیز راجہ نے معاملے کا جائزہ لیتے ہوئے ندیم خان خان کے احکامات بدل دیے ہیں۔

رمیز راجہ نے ویمن فیلڈنگ کوچ اقبال احمد کی برطرفی معطل کرتے ہوئے 1 سال توسیع دے دی ہے۔

واضح رہے کہ ندیم خان نے اقبال احمد عامر کو 30 ستمبر تک چارج چھوڑنے کا حکم دیا تھا، ندیم خان کے حکم پر ہی پی سی بی ایچ آر نے اقبال احمد کا ٹرمینیشن لیٹر تیار کرلیا تھا۔

خیال رہے کہ ڈائریکٹر ایچ آر نے دستخط بھی کردیے تھے۔