پاک ایران بارڈر پر دہشت گردوں نے ایرانی علاقے سے ایف سی کی سرحدی چوکی پر فائرنگ کی جس کے نتیجے میں ایک سپاہی شہید ہوگیا۔

پاک فوج کے شعبہ تعلقات عامہ(آئی ایس پی آر) کے مطابق دہشت گردوں نے ایرانی حدود سے پاکستانی علاقے میں فائرنگ کی،  سرحد پار سے فائرنگ کا واقعہ چکاب، بلوچستان بارڈر پر پیش آیا۔

آئی ایس پی آر کے مطابق دہشت گردوں نے فائرنگ کے دوران چھوٹے ہتھیاروں کا استعمال کیا، دہشت گردوں کی فائرنگ سے سپاہی مقبول شاہ شہید ہوگئےجبکہ واقعے میں ایف سی کا ایک اور سپاہی زخمی ہوا۔

آئی ایس پی آر کا  مزید کہنا ہے کہ پاکستان نے متعلقہ ایرانی حکام کو واقعے سے آگاہ کر دیا ہے۔