ڈبلیو ایچ اوکے سربراہ ٹیڈروس نے افغان وزیراعظم ملا محمد حسن اخوند سے ملاقات کی ہے۔

تفصیلات کے مطابق افغانستان کے دورے پر آئے عالمی ادارہ صحت (ڈبلیو ایچ او) کے سربراہ ٹیڈروس نے افغان وزیراعظم ملا محمد حسن اخوند اور دیگر حکام سے صدارتی محل ملاقات کی ہے۔

ملاقات میں عالمی ادارہ صحت کے سربراہ،ان کے وفد سمیت اقوام متحدہ کے مشن کی سربراہ نے شرکت کی جبکہ طالبان کی جانب سے وزیراعظم، نائب وزیراعظم ملا برادر اور قائم مقام وزیرخارجہ امیر خان متقی میٹنگ میں شریک ہوئے۔

دوسری جانب ڈبلیو ایچ او کے سربراہ ٹیڈروس نےکابل پہنچنے کے بعد سماجی رابطے کی ویب سائٹ ٹویٹر پر اپنے ایک پیغام میں کہا تھا  کہ میں افغانستان میں ہوں، افغان عوام کی صحت کی حفاظت ڈبلیو ایچ او کی اولین ترجیح ہے۔

Advertisement

I’m in #Afghanistan, with @WHOEMRO Director Ahmed Al Mandhari. Protecting the health of the Afghan people is of the utmost priority for @WHO. We will visit health facilities meet with @WHOAfghanistan staff, health workers, and Taliban leadership on these vital issues. pic.twitter.com/O62S9vfqrs

— Tedros Adhanom Ghebreyesus (@DrTedros) September 20, 2021

اپنے پیغام میں ڈبلیو ایچ او کے سربراہ ٹیڈروس کا  مزید کہنا تھا کہ دورے میں وہ  افغانستان میں صحت کی سہولیات کا جائزہ لیں گے اور ہیلتھ ورکر اور طالبان قیادت سے اس معاملے پر بات بھی کریں گے۔