وزیر خزانہ شوکت ترین کی زیر صدارت کابینہ کی اقتصادی رابطہ کمیٹی کا اجلاس آج ہوگا۔

تفصیلات کے مطابق اقتصادی رابطہ کمیٹی اجلاس میں 4 نکاتی ایجنڈے پر غور کیا جائے گا۔

ذرائع کے مطابق اجلاس میں کے الیکٹرک کے جولائی 2016 سے مارچ 2019 کی سہ ماہی ایڈجسٹمنٹ کی منظوری کا امکان ہے اور اوورسیز پاکستانیوں کیلئے پاور آف اٹارنی کی آٹومیشن کیلئے گرانٹ کی منظوری کا بھی امکان ہے۔

اس کے علاوہ اپریل 2019 سے مارچ 2029 کی ایڈجسٹمنٹ کی مالی اثرات بھی ایجنڈے میں شامل ہیں۔

خیال رہے کہ اجلاس میں ڈسکوز کو سبسڈی کی فراہمی پر سیلز ٹیکس کے نفاذ پر بھی غور ہوگا۔

واضح رہے کہ اجلاس میں نیشنل ٹیلی کمیونیکیشن کارپوریشن کے  نظرثانی شدہ بجٹ کی منظوری متوقع ہے۔