انگلینڈ ٹیسٹ کرکٹ ٹیم کے نائب کپتان جوز بٹلر نے کہا ہے کہ پاکستانی شائقین اور کھلاڑیوں کے جزبات کا احساس ہے، اُن سے اظہارِ ہمدردی کرتا ہوں۔

تفصیلات کے مطاطبق انگلینڈ کرکٹ ٹیم کے نائب کپتان جوز بٹلر نے اپنے ایک بیان میں کہا کہ اُنہیں پاکستانی شائقین اور پاکستانی کرکٹ ٹیم کے ساتھ ہمدردی ہے جو مہمان ٹیم کو اپنے یہاں خوش آمدید کہنے کے لیے تیار تھے ۔

انگلش کرکٹر کا کہنا تھا کہ یہ درست وقت نہیں تھا اس لیے انگلینڈ اینڈ ویلز کرکٹ بورڈ نے پاکستان کا دورہ منسوخ کیا۔

جوز بٹلر کا کہنا تھا کہ اُنہوں نے پاکستان سپر لیگ (پی ایس ایل) میں کھیلنے والے کرکٹرز سے پاکستان میں کھیلنے کے حوالے سے بات کی تھی، ان کھلاڑیوں کا کہنا تھا کہ وہ یہاں کھیل کر لطف اندوز ہوتے ہیں۔

 انگلش کرکٹر جوز بٹلر نے اُمید ظاہر کی ہے  کہ اگلے سال انگلینڈ کا دورہ پاکستان شیڈول کے مطابق ہوگا اور وہ بھی پہلی بار پاکستان کی سرزمین پر کھیلیں گے۔

واضح رہے کہ انگلینڈ نے پاکستان آکر کھیلنے سے انکار کردیا  تھا، پاکستان میں موجود سیکورٹی ٹیم سے رپورٹ ملنے کے بعد انگلش کرکٹ بورڈ نے  فیصلہ کیا تھا۔