گوادر ینگ اسپورٹس کرکٹ کلب نے پاک نیوی کا مویسٹ کرکٹ کپ جیت لیا ہے۔

تفصیلات کے مطابق فیصلہ کن معرکے میں گوادر ینگ کرکٹ کلب نے  سلطانہ کرکٹ کلب کو 4 وکٹوں سے شکست دی ۔

 پاکستان نیوی ( پی این ایس اکرم)اورتحصیل کرکٹ کمیٹی گوادرکے زیر اہتمام کھیلے گا بلوچستان ،جیتے گا پاکستان سلوگن کے تحت گوادر کی تاریخ کا سب سے بڑا پاک نیوی کامویسٹ کرکٹ کپ گوادرمنعقد ہوا جس میں گوادر کے تمام 24 کرکٹ کلبوں اور پاکستان نیوی ( پی این ایس اکرم)کی ٹیم نے حصہ لیا۔

اس سے قبل سلطانہ کرکٹ کلب اور ینگ اسپورٹس کرکٹ کلب نے فائنل کیلئے کوالیفائی کیا تھا،فائنل میچ میں ینگ اسپورٹس کرکٹ کلب کے کپتان حمید بلوچ نے ٹاس جیت کر پہلے فیلڈنگ کا فیصلہ کیا تھا۔