سرگودھا میں ن لیگی امیدوار شجاعت بشیر نے  50 مسلح افراد کے ہمراہ آزاد امیدوار کی بیٹھک پر حملہ کر دیا۔

تفصیلات کے مطابق آزاد امیدوار شہزاد نعیم باجوہ اور ان کے ساتھیوں کو بیٹھک میں بند کر دیا گیا جبکہ  ن لیگی امیدوار کی جانب سے ووٹ کاسٹ کرنے پر سنگین نتائج اور قتل کی دھمکیاں دی گئیں۔

 ذرائع کا کہنا ہے کہ جھگڑے کے باعث 2گھنٹے پولنگ کا عمل بند رہا ووٹر ذلیل و خوار ہوتے رہے۔

ذرائع کا کہنا ہے کہ 15 پر کال ہونے پر تھانہ کینٹ پولیس نے موقع پر پہنچ کر امن و امان کروایا۔

 ن لیگی امیدوار سمیت 50 افراد کے خلاف مقدمہ کے اندراج کے لیے درخواست دائر کی گئی ہے۔