پہلی چیف منسٹر پنجاب فائیو اے سائیڈ قومی وومن ہاکی چیمپئین شپ  7 تا12اکتوبر لاہورمیں کھیلی جائےگی۔

 تفصیلات کے مطابق   ڈائریکٹوریٹ آف اسپورٹس اینڈ یوتھ افیئرز پنجاب کے زیراہتمام،پاکستان ہاکی فیڈریشن (پی ایچ ایف) کی زیرنگرانی پہلی چیف منسٹر پنجاب فائیواےسائیڈ قومی وومن ہاکی چیمپین شپ کے انعقاد کی تواریخ کا اعلان کردیا گیا ہے۔

 پاکستان ہاکی فیڈریشن کی جانب سے جاری شدہ اعلامیہ کے مطابق چیمپین شپ 7 اکتوبر تا 12 اکتوبر نیشنل ہاکی اسٹیڈیم لاہور میں کھیلی جائےگی۔

 اس سے قبل یہ ایونٹ 18 تا 23 ستمبر شیڈول کیا گیا تھا۔

ایونٹ میں 4 ڈیپارٹمنٹل 10 صوبائی ٹیموں سمیت مجموعی طور پر14 ٹیمیں اعزاز کے حصول کے لئے میدان میں اتریں گی۔

 صوبائی ٹیموں میں پنجاب کی 2 ٹیمیں، سندھ کی 2ٹیمیں، خیبر پختونخواہ کی 2 ٹیمیں، بلوچستان، اسلام آباد، گلگت بلتستان، اور آزاد جموں کشمیر کی ایک، ایک ٹیم شرکت کرےگی جبکہ ڈیپارٹمنٹل ٹیموں میں پاکستان آرمی، واپڈا، ریلویز اور ہائر ایجوکیشن کمیشن کی ٹیمیں شرکت کریں گی۔