اینٹی کرپشن ، محکمہ مال اور پولیس کی جانب سے قبضہ مافیا کے خلاف بڑی کارروائی کی گئی ہے۔

 ڈی جی اینٹی کرپشن پنجاب کا کہنا ہے کہ سرگودھا کے علاقے چک نمبر 83 میں اینٹی کرپشن کی سربراہی میں قبضہ گروپ کے خلاف گرینڈ آپریشن کیا گیا تھا، قبضہ مافیا سے 81 کنال  5 مرلہ زرعی اراضی واگزار کرالی گئی ہے۔

ڈی جی اینٹی کرپشن پنجاب کے مطابق واگزار کرائی گئی زمین کی مالیت 3 کروڑ 44 لاکھ روپے ہے، عرصہ دراز سے مافیا سرکاری زمین پر قابض تھا۔

انہوں نے بتایا  قبضہ مافیا نے سرکاری زمین پر جوار اور گوارا  کی فصل کاشت کر رکھی تھی۔

واضح رہے کہ پنجاب بھر میں قبضہ مافیا کے خلاف بلا امتیاز کارروائیاں جاری ہیں۔