وزیر اعظم آزاد کشمیر سردار عبدالقیوم نیازی نے کہا ہے کہ کشمیر پریمئیر لیگ نے بھارت کی چیخیں نکال دی ہیں۔

تفصیلات کے مطابق پاکستان میں انٹرنیشنل کرکٹ کے خلاف سازشوں پر وزیراعظم آزاد کشمیر  سردار عبد القیوم نیازی نے بیان  دیتے ہوئے کہا کہ بیس کیمپ سے ہر وہ پیغام جانا چاہیئے جس سے کشمیری بھائیوں کی حوصلہ افزائی ہو۔

ان کا کہنا  تھا کہ بھارت دنیا کو بتانا چاہتا تھا کہ آزاد کشمیر کھیلوں کے لئے غیر محفوظ ہے، کے پی ایل کے انعقاد سے دنیا میں بھارت کی رسوائی ہوئی ہے۔

وزیر اعظم آزادکشمیر عبدالقیوم نیازی  کا مزید کہنا تھا کہ سیکیورٹی اداروں نے کشمیر پریمئیر لیگ کے خلاف بھارتی عزائم کو ناکام بنایا، کے پی ایل کے انعقاد نے ثابت کیا آزاد کشمیر پر امن خطہ ہے۔