پاکستان شوبز انڈسٹری کے نامور اداکارہ و میزبان عفت عمر نے اپنی فیملی کے حوالے سے اہم انکشاف کر دیا۔

 تفصیلات کے مطابق اداکارہ و میزبان عفت عمر نےسوشل میڈیا پر اپنی فیملی کی تصویریں شیئر نہ کرنے کی اہم وجہ بتا دی ہے۔

عفت عمر  نے فیملی کی تصویر شیئر نہ کرنے کے حوالے سے صارف کے سوال کا جواب دیتے ہوئے کہا کہ لوگوں کی وجہ سے وہ ایسا کرنے سے پرہیز کرتی ہیں۔

انہوں نے کہا کہ تصاویر شئیر کرنے پر لوگ زیادہ ہی ردعمل دے دیتے ہیں جو انہیں پسند نہیں۔

صارف نے یہ سوال ان کی جانب سے شیئر کی گئی شوہر اور بیٹی کی 18 برس پرانی تصویر پر کیا تھا۔

تاہم اس پوسٹ پر صارفین کی جانب سے کیے جانے والے کمنٹس پر اداکارہ نے جوابات بھی دیے اور بتایا کہ اس تصویر میں ان کی بیٹی کی عمر 3 سال ہے جبکہ اب ان کی بیٹی 21 برس کی ہوچکی ہے۔

جبکہ اداکارہ سے جب ان کی خوبصورتی اور نوجوان دِکھنے کا راز معلوم کیا گیا تو انہوں نے کہا کہ میری عمر 49 برس ہے اور اچھی سوچ ہی کسی کے بڑھاپے میں بھی نوجوان دِکھنے کا راز ہوسکتی ہے

واضح رہے کہ اداکارہ نے فوٹو ایند ویڈیو شئیرنگ ایپ انستاگرام پر تصویر شیئر کرتے ہوئے دونوں کو ’لائف لائن‘ قرار دیا تھا۔