پنجاب اسمبلی میں  پاکستان پیپلز پارٹی کے پارلیمانی لیڈر سید حسن مرتضی کا کہنا ہے کہ سلیکٹڈ ٹولہ ملک کو غار کے دور میں لے جا رہا ہے۔

تفصیلات کے مطابق اپنے جاری کردہ بیان میں ان کا کہنا تھا کہ یہ لوگ اندرونی طور پر بیڑہ غرق کرنے کے بعد یہ پاکستان کودنیا میں تنہا کر رہے ہیں۔

حسن مرتضی کا کہنا تھا کہ علی بابا اور 40چوروں نے تین برس میں عوام کو صرف مہنگائی اور بیروزگاری دی ہے، سستی سڑکوں کا کریڈٹ لینے والوں نے پاکستان کی کریڈٹ ریٹنگ داؤ پر لگا دی ہے۔

حسن مرتضی نے مزید کہا کہ پاکستان پیپلز پارٹی بنارسی ٹھگوں کے ٹولے کو بے نقاب کرتی رہیگی، عوام خبردار رہیں،جلد پیٹرول،بجلی اور گیس بم گرنے والے ہیں۔