وزیراعلیٰ بلوچستان جام کمال خان کا کہنا ہے کہ بلوچستان میں ترقیاتی منصوبوں کا آغاز خوش آئند ہے۔

تفصیلات کے مطابق وزیراعلیٰ بلوچستان جام کمال خان نے جھل جاؤ، بیلہ شاہراہ کی بحالی اور اپ گریڈیشن کے سنگِ بنیاد کی تقریب سے خطاب کرتے ہوئے کہا کہ بلوچستان میں اہم سڑکوں کو بنایا جارہا ہے، ماضی کی حکومتوں نے بلوچستان پر توجہ نہیں دی۔

جام کمال خان نے کہا ہے کہ بلوچستان میں عدم دلچسپی کی وجہ سے مسائل پیدا ہوئے، وفاق اور صوبائی حکومت نے ترقی کیلئے مل کر کام کیا ہے۔

وزیراعلیٰ بلوچستان جام کمال خان نے مزید کہا ہے کہ بلوچستان میں ترقیاتی منصوبوں کا آغاز خوش آئند ہے، آواران پاکستان کا سب سے زیادہ پسماندہ علاقہ ہے۔

اس سے قبل وفاقی وزیرمواصلات مراد سعید نے جھل جاؤ، بیلہ شاہراہ کی بحالی اور اپ گریڈیشن کے سنگِ بنیاد کی تقریب سے خطاب کرتے ہوئے  کہا تھا کہ کراچی، کوئٹہ، چمن شاہراہ پرکام جاری ہے، ن لیگ دورمیں مہنگی اورہمارےدورمیں سستی موٹرویزبنیں، جھل جھاؤ، بیلہ جنوبی بلوچستان کی اہم شاہراہ ہے

وفاقی وزیر مراد سعید نے کہا تھا کہ شاہراہ کی تعمیرعلاقے کی ترقی میں اہم کردار ادا کریگی، ماضی میں بلوچستان کے مسائل پرتوجہ نہیں دی گئی، جنوبی بلوچستان میں توجہ نہ دینے سے مسائل پیدا ہوئے، پسماندہ علاقوں کی ترقی کیلئے کام کرنا وزیراعظم کی ترجیح ہے۔